Mercedes маркасы Daimler Motoren Gesellschaft компаниясының өкілі Эмиль Еллинектің арқасында пайда болды. Осы брендпен шыққан Готтлиб Даймлер мен Вильгельм Майбахтың алғашқы машинасы Gooding аукционында 12.1 миллион долларға сатылды. Мамандар бұл классикалық көліктер арасында рекорд деп жатыр.

Mercedes Simplex 60 HP моделі Mercedes 35 HP-дің жақсарған нұсқасы болды, ол Еллинектің бастамасымен жасалған. Басты артықшылығы жаңа 9.25 литрлік қозғалтқыш болды, максимал жылдамдығы 130 км/сағ-қа жететін. Моторы «мерседестің» халықаралық беделге ие болуына ықпал етті.

Даймлер мен Майбах-тың Mercedes Simplex 60 HP көлігі екі мақсатты болды — қиын жарыстарда өнер көрсетуге қабілетті және күнделікті пайдалануға ыңғайлы. 1900 жылдардың бірінші жартысында бұл модель көптеген жарыста жеңіске жетті.

Daimler Motoren Gesellschaft моторы 60 ат күшін беретін 102 Simplex жасады (40 ат күші бар нұсқасы да болды). Аукционға шыққан автомобиль бастапқыда британиялық кәсіпкер Альфред Хармсуорт үшін әзірленген, ол жаңа саланың қолдаушысы саналған. Бұл экземпляр 1903 жылы Ниццедегі жарыста рекорд орнатты.

Бірнеше жарыстан кейін Хармсуорт Париждегі J. Rothschild et Fils ательесіне «мерседесі» үшін жаңа сәнді шанаққа тапсырыс берді. Кәсіпкер қайтыс болғаннан кейін гранд-турерді ұлына мұра етті және ол ұрпақтан-ұрпаққа берілді. Екінші дүниежүзілік соғыстан кейін Еуропадағы музейлердің бірінде алпыс жылдан астам уақыт бойы көрмеде тұрды.

Аукцион үйі хабарлағандай, мұндай көліктің бесеуі ғана қалған және Эмиль Еллинекке тиесілі біреуі Mercedes-Benz зауытының коллекциясында сақтаулы. Сирек кездесетін машинаның спорттағы жетістіктері мұқият құжатталған. Бір қызығы, Mercedes Simplex 60 HP бірінші иесіне тиесілі болған, яғни Ұлыбританиядағы ең көне тіркеу нөмірімен сатылды.